Право на откажување/замена на производот

1. ПРЕДМЕТ

Со овој Правилник се уредуваат условите и начинот на остварување на правото на потрошувачот да се повлече од договор на далечина склучен со МОНА ДООЕЛ Скопје преку интернет-продавницата.

Правилникот се применува на договори за продажба на стоки склучени на далечина со потрошувачи, без истовремено физичко присуство на страните и со употреба на средства за комуникација на далечина до моментот на склучување на договорот.

Доколку сакате да го откажете купувањето на нарачаниот производ , Ве молиме да не контактирате на телефонскиот број +38970221660 или да ни испратите мејл на monamk@mona.rs. Неопходно е да го имате бројот на нарачката и да ни ја наведете шифрата на производот и големината која Ви одговара. Заедно со производот, потребно е да ја доставите изјавата за откажување на договорот, што ја доставуваме заедно со пакетот.

Производот мора да бидe неоштетен и спакуван во неговото оригинално пакување со етикета и фактура.

По прием на производот, ќе се утврди дали производот е во правилна состојба и неоштетен. Доколку се утврди дека настанало оштетување на производот по вина на купувачот, производот ќе биде вратен на купувачот на негов трошок.

Производот можете да го вратите во било кој малопродажен објект или да го испратите на адреса во некој од малопродажните објекти.

За нарачаните производи можете да побарате замена за друг производ или враќање на средствата.

Во случај на остварување на право за откажување од договорот, продавачот е должен да го врати износот на вредноста на производот, без враќање на трошоците за испорака кои ги добил од потрошувачот без одлагање, а најдоцна во рок од 14 дена од приемот на производот и изјавата за откажување на договорот на адреса на компанијата.

2. КОЈ ИМА ПРАВО НА ПОВЛЕКУВАЊЕ

Правото на повлекување му припаѓа на потрошувачот во смисла на Законот за заштита на потрошувачите. Тоа право не се применува на лица кои набавуваат стока за цели поврзани со
нивната трговска, деловна, занаетчиска или професионална дејност

3. РОК ОД 14 ДЕНА

Потрошувачот може да се повлече од договорот без да наведе причина во рок од 14 дена. Кај договор за продажба, рокот почнува од денот кога потрошувачот или трето лице назначено од него, кое не е превозник, ја стекнува стоката. Ако една нарачка содржи повеќе стоки што се испорачуваат одделно, рокот се смета од стекнувањето на последната стока/пратка, согласно закон.
Ако трговецот не ги обезбеди информациите за правото на повлекување како што бара законот, рокот може да биде продолжен согласно законските правила

4. КАКО СЕ ОСТВАРУВА ПРАВОТО

Потрошувачот треба пред истекот на рокот да испрати недвосмислена изјава дека се повлекува од договорот. Може да го користи стандардниот образец за повлекување, но неговото користење не е задолжително ако изјавата јасно ја изразува одлуката и овозможува идентификација на договорот.
Изјавата може да се достави преку е-пошта на monamk@mona.rs или преку друг канал што МОНА го овозможува и јасно го објавува на веб-страницата.
За полесна обработка се препорачува изјавата да содржи: име и презиме, адреса, број на нарачка, назив/шифра на производот, датум на прием, датум на изјавата и контакт податоци.

5. ПОТВРДА НА ПРИЕМ

Кога изјавата е доставена електронски, МОНА ќе го потврди приемот на траен носач кога тоа е предвидено со закон и/или кога е потребно за документирање на постапката

6. ВРАЌАЊЕ НА СТОКАТА

По испраќањето на изјавата за повлекување, потрошувачот ја враќа стоката без непотребно одлагање, а најдоцна во рок од 14 дена од денот кога ја испратил изјавата, освен ако закон или договорот предвидува поинаку.
Стоката се враќа на адреса или во продажен објект на МОНА во Северна Македонија, согласно тековните упатства објавени на веб-страницата. Потрошувачот е одговорен стоката да биде соодветно заштитена при враќањето

7. ТРОШОЦИ ЗА ВРАЌАЊЕ

Потрошувачот ги сноси само непосредните трошоци за враќање на стоката, освен ако МОНА се согласила да ги сноси или ако не го информирала потрошувачот дека тој ги сноси, кога такво
информирање е законска обврска.
Кога се враќа погрешно испорачана или несообразна стока, трошоците се распределуваат согласно закон и одговорноста на МОНА.

8. ОБВРСКИ НА МОНА ПРИ ПОВЛЕКУВАЊЕ

Во случај на навремено остварено право на повлекување, МОНА ги враќа примените плаќања, вклучително и применливите трошоци за испорака што потрошувачот ги платил при првичната испорака, согласно закон.
Повратот се врши без непотребно одлагање, а најдоцна во рок од 14 дена од денот кога МОНА е известена за одлуката на потрошувачот да се повлече, со истото средство за плаќање што го користел потрошувачот, освен ако тој изречно се согласил со друго средство и со тоа не му се создаваат дополнителни трошоци.
МОНА може да го одложи повратот до моментот кога ќе ја прими вратената стока или до моментот кога потрошувачот ќе достави доказ дека ја испратил стоката назад, зависно од тоа кој момент настапува порано, согласно закон.

9. РАКУВАЊЕ СО СТОКАТА И НАМАЛУВАЊЕ НА ВРЕДНОСТА

Потрошувачот може да ракува со стоката само онолку колку што е потребно за да ја утврди нејзината природа, карактеристики и функционалност, на начин на кој би можел да ракува со неа во физичка продавница.
Потрошувачот одговара за намалување на вредноста што е последица на ракување надвор од потребното за утврдување на природата, карактеристиките и функционалноста на стоката, согласно закон. Не смее автоматски да се бара стоката да биде неотворена или неупотребена ако таквото барање би било спротивно на законското право на потрошувачот.

10. ИСКЛУЧОЦИ ОД ПРАВОТО НА ПОВЛЕКУВАЊЕ

Правото на повлекување не се применува во исклучоците предвидени со Законот за заштита на потрошувачите. За МОНА особено е релевантна запечатена стока која по испораката е отпечатена и поради здравствени или хигиенски причини не може да се врати, кога се исполнети законските услови за исклучок.
Во случај на сомневање дали конкретен производ спаѓа во исклучок, МОНА не треба автоматски да го одбива барањето, туку да го утврди применливиот законски основ.

11. ПОВЛЕКУВАЊЕ И НЕПРЕЗЕМАЊЕ НА ПРАТКАТА

Самото неподигнување на пратката не треба автоматски да се изедначува со изјава за повлекување.
За остварување на правото на повлекување потребна е јасна изјава во законскиот рок. Евентуалните трошоци и последици од одбивање/непреземање на пратка се утврдуваат според применливото право и конкретните околности и не можат однапред автоматски да се наплатуваат како фиксна „штета“ ако за тоа нема законски основ.

12. ПОСЛЕДИЦИ ОД ПОВЛЕКУВАЊЕТО

Со навремено остварено право на повлекување, страните се враќаат во состојбата пред склучувањето на договорот, со заемно враќање на примените престации согласно закон. Повлекувањето не влијае врз други права што потрошувачот ги има, вклучително правата поради несообразност и рекламација.

13. ПРЕПОРАЧАН ОБРАЗЕЦ ЗА ПОВЛЕКУВАЊЕ

Потребно е да ја пополните изјавата за откажување од договорот кој можете да го преземете овде и да го испратите заедно со производот на адреса МОНА ДООЕЛ Скопје, Кеј 13-ти ноември ГТЦ 2/лок.34 сек-5, приземје, 1000 Скопје, Е-пошта:
monamk@mona.rs

НАПОМЕНА:

Со потврдување на нарачката, со кликнување на копчето ПОТВРДИ, се согласувате со условите за враќање на производот.

Производот може да се врати во рок од 14  дена од денот на приемот на пратката. Производот мора да бидe неоштетен и спакуван во неговото оригинално пакување со етикета. Производот можете да го вратите во било кој малопродажен објект или да го испратите на адреса во некој од малопродажните објекти.

Потрошувачот нема право да се откаже од договорот во случај на испорака на производи кои не можат да се вратат од здравствени или хигиенски причини и која е отпакувана по испораката. Потрошувачот нема право да се повлече од договорот доколку се работи за долна облека, костими за капење, чорапи.

Откако курирската служба ќе ви ја достави пратката, Ве молиме проверете го производот и доколку на него има видливи оштетувања (искинати делови или нагмечување) или производот не е во согласност со вашата нарачка, Ве молиме да не побарате телефонски на бројот +38970221660 или да ни испратите имејл со свои податоци (име, презиме и телефон) на адресата monamk@mona.rs и да ги наведете причините поради кои сакате да го вратите  пакетот. Ве молиме да не контактирате најдоцна во рок од 24 часа од приемот на пратката. Нашите оператори ќе ве известат за понатамошната постапка, во најкраток можен рок.

Доколку на купениот производ се појават недостатоци во смисла на одредбите од Законот за заштита на потрошувачи, Ве молиме постапете на начин дефиниран со правилникот за рекламации на потрошувачи за роба купена преку интернет продавница, кој заедно со пополнет рекламационен лист треба да го пратите на адресата МОНА ДООЕЛ Скопје, Северна Македонија Кеј 13-ти Ноември ГТЦ 2/ЛОК34 СЕК-5.

ЗАМЕНА НА ПРОИЗВОДОТ

Доколку по приемот на пакетот, утврдите дека големината не Ви одговара и сакате да извршите замена за големина или друг производ, тоа можете да го направите во рок од 14 дена од приемот на пакетот на Вашата адреса.

За замената да биде успешно примена и обработена, потребно е да се пополни образецот за откажување на договорот, во кој ќе биде наведена шифрата на заменскиот производ и/или посакуваната големина.

Број на тековната сметка во случај ако цената на заменскиот производ биде пониска од претходно нарачаниот производ, за да можеме да Ви ја уплатиме разликата во цената на производите.

Во случај на недостапност на заменскиот производ, потрошувачот ќе биде благовремено известен од страна на онлајн службата на МОНА ДООЕЛ.

Напоменуваме дека е потребно потрошувачот да го испрати претходно нарачаниот производ на адреса на било која продавница на МОНА ДООЕЛ или лично да го прададе производот заедно со пополнетиот образец за откажување на договорот каде ќе ја наведе шифрата и големината на заменскиот производ. Напоменуваме дека доколку потрошувачот се одлучи за опцијата лично да го врати производот кој го менува во некоја од продавниците на МОНА ДООЕЛ, замената не е можна на лице место, истата ќе биде извршена по постапката во продолжеток.

По приемот на пакетот испратен од страна на потрошувачот и по утврдување дека производот е во исправна состојба и со оригинална декларација, компанијата МОНА ДООЕЛ ќе го испрати заменскиот производ на адресата на потрошувачот во наредните два работни дена . Во периоди на акции и попусти, постои можност одредениот период да се продолжи.

Доколку компанијата МОНА ДООЕЛ утврди дека производот кој потрошувачот сака да го замени е оштетен, носен, без оригинална декларација или утврди дека потрошувачот не го исполнил рокот од 14 дена за замена или претходно не поднел барање на горенаведената мејл адреса, МОНА ДООЕЛ го задржува правото да ја одбие реализацијата за замена.

Напомена:  Замена може да се изврши само во државата во која е извршена нарачката, што значи доколку производот сте го нарачале онлајн а со испорака на македонска адреса, производот е можно да го вратите само во македонските малопродажни објекти. Трошоците за враќањето на производот ги сноси потрошувачот.